Disgleiriodd y Fflint yn aur ym mis Medi i godi ymwybyddiaeth o ganser plentyndod.
Yn ein hymgyrch ymwybyddiaeth ym mis Medi 2021, gosodwyd 15 beic a sgwter aur o amgylch y Fflint ac un ger yr afon yng Nghaer. Roedd y beiciau a’r sgwteri’n cynrychioli plentyndod a gollwyd i ganser.
Roedd pob beic neu sgwter wedi’i gcysegru i Angel. Yn sicr, roedd y beiciau’n destun sgwrs ac fe ddenon nhw lawer o ddiddordeb gan y cyfryngau.
Cawsom gefnogaeth wych gan fusnesau lleol. Fe wnaeth Neil o Third Avenue oleuo siopau, tafarndai, Eglwys y Santes Fair a Neuadd y Dref am rodd.
Disgleiriodd y dref gyfan yn aur er anrhydedd i’r angylion a gollwyd i ganser plentyndod ac i’r arwyr sy’n dal i frwydro.
Yn anffodus, fe wnaeth Tîm Giddo anrhydeddu dros 100 o Angylion drwy osod negeseuon twymgalon a lluniau y tu allan i Eglwys y Santes Fair yn y Fflint ac ar hyd y bont grog yng Nghaer.
Mae’n dorcalonnus fod cymaint wedi colli eu bywydau i ganser plentyndod. Roedd yn emosiynol iawn pan wnaethon ni gyfarfod â theuluoedd mewn profedigaeth a gosod rhosod melyn yn yr afon i’w hanwyliaid. Gosodon ni hefyd sêr aur ar hyd y bont gydag enwau’r plant sy’n brwydro yn erbyn triniaethau ofnadwy.